Sri lanka Movie lovers

මුහුදු වෙරළක් ගාවට ගිහින් ඈත සිතිජය බලාගෙන ඉන්න. තෙරක් නොපෙනෙන අහස දිහා බලාගෙන මනස සැහැල්ලු  කර ගන්න තියෙනවා නම් කෙතරම් වාසනාවක් ද? එත් මේ ලොකේ සුදරත්වය දකින්න වාසනාව නැති ගොඩක් අය අපි අතර ජිවත් වෙනවා. ආතිමීය වරදකටද ? සංසාරීක වරදකට ඔවුන් අන්ධ උනා ද කියලා අපි කතා කරනවාට වඩා ඒ ජිවිත ලොකයේ ලස්සන දකින්න කෙතර්ම් මහන්සියක් වෙනවාද යන්න අපි සිතිය යුතුයි. අන්ධ කෙනෙක් ලොකයේ සුන්දරත්ව දකින්න වීදියක් විදියක් ගානේ ඇවිදගෙන යනකොට එයාට හයියක් වෙන්න සැරාටිය ලග ඉන්නවා. නිශ්චලව දෙයකට හදවතක් නැති උවත් චංචල ඔහුගේ හදවතට ආලොකයක් දෙන්න සැරාටිය කෙතරම් චම්ත්කාර උත්සහයක් ගනී ද? ඒ බැදිම අන්ධ අය අතර ඇති වෙනකොට සමහර ඇස් පෙන්නෙන අයද ලොකය එක්ක ගත කරන්නේ අන්ධයන් වගේ විම කෙතරම් කනගාටුවට කරුණක් ද? මේ ජිවිතයේ අපි කෙතරම් සාර්ථක උවත් ලොකය ලස්සන  දැක්කත් ඒ පිටිපස්සේ ඉන්න එකම එක බලවේගයක් සිටී.ඒ අපේ හොදම යාලුවා. අන්ධ කෙනාට සැරාටිය වගේ අපිටත් හොද යාලුවෙක් කියන්නේ ජිවිතයට ආලොකයක්. යාලුකමක වටිනා කම මෙතකයි කියලා අපිට කියලා නිම කරන්න බැ 

මිතුරු කම හා සමාජ අසාධාරණය ගැන ඉතාමත් පුළුල් විදියට මේ නිර්මාණය තුලින් ඔයාලට බලා ගන්න පුළුවන් වෙනවා.

චිත්‍රපටය  ආරම්භ වන්නේ ඉතාමත් කූරීරු දර්ශනයක් සමග වීම නිසා ආරම්භයේදිම අපට කුතුහලය එකතු කරන්න නිර්මාණය කරුවා සමත් වෙනවා. මේ ලොකේ ගැහැණියකට අප ආදර ලබා දුන්නොත් ඇය අපට පවුලක් දෙනවා.එකයි යතාර්ථය. නමුත් එය එසේ නොවී කාන්තාවන් දුෂණ කරමින් ඇගේ නිරුවත් තුලින් සතුටු විමට තරම් මිනිසා පහත් විම කෙතරම් අවාසනාවක් ද? මේ කුඩා දර්ශනය චිත්‍රපටය තුල ඇති සාර්ථකම දර්ශනයක් ලෙස අපට පෙන්වා දිය හැකිය. ගැහැණියක් පළමු ලිංගික එකතු විමෙදී ඇගේ කන්‍යා බාවය නැතිවී යන අතර එම නිසා ඇයගෙන් කුඩාවට රුධිර වහනය වේ. එහිදී ඇගේ මනස තුල ඇති වන්නේ පිළිකුල් සහගත හැගිමකට වඩා ආදරය සමග එන ලිංගික රසයකි.නමුත් දුෂණයකදි එය එසේ නොවේ ඇගේ බිය ,පිළිකුල් සහගත බව සිතේ ඇති වේ.දුෂණය කරන කෙනා උවද සිත් ගන්නේ ඇයට රිදවිමෙනි.මේ සියළු සදක කුඩා දර්ශනයක් උපයොගී කරගෙන පෙන්නුම් කරයි. එම දර්ශන තුලදී කන්තාවකගේ පිරිසිදු කම හා සමාජයේ කාන්තාවකට ඇති ආරක්ෂාව ගැන ද පෙන්නුම් කරන නිසා මෙය ඉතා විශිෂ්ඨ ආරම්භක දර්ශනයක් ලෙස මම දකිමි.

දෙවන දර්ශන තුල සිනමාවේ කතා කරුවන් හදුන් වා දිමට නිර්මාණය කරුවා සමත් වන අතර එහීදී සමාජයේ තවත් අදුරු පැතිකඩක් ගැන කතා කිරිමට උත්කෘෂ්ට වෙයි. සාමාජයට ආනාතයින් බිහි වන්නේ කුමන අරමුණකින්ද යන්න අප මෙතනදී කතා නොකළ යුතුයි. නමුත් ඔවුන්ව බලා ගන්නේ ලිංගික විපර්‍යාසයකට ලක් වු කාන්තාවක් විසින් විම සැලකිය යුතු කරුණකී. සාමජයක ලිංගික විපර්‍යාසයකට ලක් වු අයෙක්ට සලකන්නේ ගණිකාවකට එහා ගිය තැනක සිටය. නමුත් මොහොතක් අප අවදාරණය කර ගත යුතු දෙයක් ඇත. සමාජයට දරුවෙක් බිහි විමටනම් මවක් පියෙක් සිටිය යුතුය.ඔවුන් දරුවන් බිහි කර ඔවුන්ට ලොකයක් නොතනා ආනාතයින් කර යන්නේ නම් ඔවුන්ව බලා ගන්නා ලිංගික විපර්‍යාසයකට ලක් වු කාන්තාවන් කෙතර්ම් ශේෂ්ඪ  ද? මේ පිලිබද අපට සිතා බැලිය යුතු බව නිර්මාණ කරුවා අපට දෙවන දර්ශනය තුලින් පවසා සිටී.

අපට මේ ලොකේ මවත් පියත් අහිමි නම් අපිව ආදරයෙන් බලා හදා ගන්නා ඇයත් අහිමි වුවහොත් ඔවුන්ගේ ජිවිතය කෙඹදු වෙයි ද? ඒ අහිමි විම තුල ඇත්තේ එක් මිනි මරුවෙක්ගේ ඝාතනයක් නම් දරුවන් විදියට නීතිය ඔවුන්ගේ පැත්තට සාදාරණක් ඉටු කරයි ද? . ඔවුන් උපන්දා සිට අනාතයින්ය.අඩුම උප්පත්තිය තහවුරු කරන්න ලියවිල්ලක් වත් ඔවුන් තුල නැත.එසේනම් ඔවුන්ට නීතිය පිහිට පතනවා වෙනුවට කරන්නේ ඝාතකයාව ඝාතනය කිරිමය.එය අපට මතු පිටින් බලා සාදාරණි කරනය කළ නොහැකිය.

අප සතුන් සුරකින තැන් බොහොමයක් දැක ඇත්තෙමු. එහිදි සතුන් මුලු ජිවිත කාලෙම ගත කරන්නේ කුඩුවක් තුලය. අප එය සාදාරණී කරනය කිරිමට යොදා ගන්නේ ඔවුන් සංරක්ෂණය කරනවා යන්නයි. නමුත් එය ඔවුන්ගේ නිදහස උල්ලංඝනය කිරිමකි. අප දිනක් කුඩුවක් තුලට දමා සිටියොත් එහී අත්දැකීම කෙබදු විය හැකිද? මෙයත් එසේය. සිර ගෙදරත් එසේමය.සිර ගෙදරක් තුලින් සිදු කරන්නේ මිනිසුන්ව යහ මගට ගෙන සමාජයට යහපත් අයවලුන් ලෙස ඉදිරිපත් කිරිමයි.නමුත් එය සිදු විම පොත පතට සිමා විය යුතු නොවේ. එය නිර්මාණය කරුවා ඉතා හොදින් හදුනාගෙන ඇති අතර නිර්මාණය තුල එයා ඉතා හොදින් පෙන්නුම් කිරිමට සමත් වේ.මිනිසා බලය නායකත්වය වෙනුවෙන් ගහ මරා ගන්නේ සමාජයේ ඉදිරියේ කුමක් බලාපොරොත්තු වෙන්ද? එය සිර මැදිරියක උවත් වෙනස් නොවේ. බලය වෙනුවෙන් ඔවුන් සටන් කරයි මෙය විය යුතු දෙයක් ද? නිර්මාණය කරුවා අපෙන් ප්‍රශ්න කර සිටි.

මේ ලොකේ සැබෑ  ආදරය කරපු බොහෝ දෙනෙක් සිටින්නේ සිර ගෙදරය නැති නම් පිස්සන් කොටුවෙය. ආදරය වෙනුවෙන් පිරිමි වගෙම ගැහැණු  අයත් නොයෙක් ආකාරයේ කැප කිරිමි සිදු කරයි. එය දෙදෙනාම සිදු කරන විට ඒ ආදරය සුන්දර වේ. නමුත් එය එක් අයෙකු පමනක් කරන්නේ නම් සිදු වන්නේ අනවශ්‍ය මහන්සියක් පමනී. ආදරය කරන කෙනා සතුටු කිරිමට අප මහත් උත්සහයන් ගනී.ආදරයට වයසක් වගෙම කුළයක් නොමැත. ආදරය වෙනුවෙන් කෙනෙක් පුංචි හොරකමක් කළහොත් එයට දඩුවම කෙතරම් විශාල එකක් විය යුතුද? මෙය ඉතා හොදින් නිර්මාණය තුල කතා කරයි.මේ නිර්මාණය සාර්ථක විමට බලපාන බොහෝ කරුණු වලින් එයත් එකකි. අප දන්නා තරමින් මිනි මරපු අයෙක්ට දඩුවම ජිවිත කාලයම සිර ගෙදර හෝ මරනීය දංඩනයයි.නමුත් එය වසර දෙකහමාරකට සිමා විම තුල ගැටළුවක් නොමැත.එය එසේ විමෙදී තමන්ගේ ආදරය වෙනුවෙන් පුංචි සොරකමක් සිදු කරපු අයෙක්ට වසර දෙකක සිර දඩුවමක් දිම කෙතරම් කාලොචිත ද? එය එසේ සාදාරණ නම් එයත් මිනි මැරුමකට සාදාරණ වේද? මෙය අප සිතිය යුතු කාරණයකී.

එතන් සිට අහිමි විම් දරා ගැනිම් එක්ක නිර්මාණය ඉදිරියට ගලාගෙන යන අතර එහීදී සිර මැදිරිය තුල දර්ශන වලට ඉතාමත් ප්‍රමුඛතාවයක් ලබා දී ඇත.තවද නිර්මාණය තුල ආනත දරුවන් කුඩා කාලයේ විදින දුක් ප්‍රතිනිර්මාණය කිරිමට සමත් වෙන අතර එය එක් ගීතයකින් පෙන්නුම් කිරිම තුල සාර්ථකත්වයට පැමිණි  ඇති බවට අපට පෙන්වා දිය හැකිය. ඉතා කෙටි කාලයකින් පුළුල් පරාසයක් ආවරණය කිරිම නිර්මාණයේ සාර්ථකත්වයට බෙහෙවින් බලපෑම් කර ඇත.

සිරගෙදර ඇති කටුක බව සංගිතය සමග මුසු කරමින් නිර්මාණය තුල ඉදිරිපත් කරන නිර්මාණ කරුවා දෙවන බාගයෙදී කතාව සිර මැදිරියෙන් පිටතට ගෙන එමට සමත් වන අතර එහිදී කතාවේ ප්‍රදාන තෙමාව වන මිතුරු කම ගැන කතා කිරිමට එය උපයොගී කර ගනී. ලොකයේ අදටත් බොහෝ මිල මුදල් ඇති අය තරුණ ගැහැනු  ළමයින්ට ප්‍රය කරයි. එය සමාජය ඉදිරියේ අප කතා නොකරන නමුත් සත්‍ය කරුණකි. මෙසේ රාත්‍රීයේදී ගොදුරක් වන තරුණ ගැහැණියක් බෙරා ගැනීම සිදු වේ. එහීදී ද සමාජයේ උගත් හා නුගත් අතර ඇති වන පරතරය ඉතා හොදින් නිර්මාණය කිරිමට සමත් වන නිර්මාණය කරුවා එය උපයොගී කරගෙන ඉතාමත් ලස්සන ආදර කතාවක් ඉදිරිපත් කරයි.

ආදරය ඇති විමට වයසක් බලපාන්නේ නැත එය කුමන වයසක කුමන කෙනෙක් කෙරෙහී උවද ඇති විය හැකිය. ආදරයේදී ගෞරවය  සමග ඇති වන ආදරය ඉතාමත් ශේෂ්ඪ ලෙස මම දකිමි. එය ඉතා හොදින් නිර්මාණය තුල කතා වේ. මෙහිදී වැඩි හිටි ගැහැණියක් තරුන ලා බාල පිරිමි ළමයෙක් කෙරෙහී ඇති වන ආදරයක් වන අතර ඇගේ සිතේ එම මොහොතේ ඇති වන  හැගිම ඉතා ලස්සනට ගිතයක් තුලින් ඉදිරිපත් කිරිමට නිර්මාණ කරුවා සමත් වේ. එහිදී යොදාගත් දර්ශන තල හා ඇදුම් නිසා ඇයගේ සිතේ ඇති උන හැගිම නිවරදී ලෙසම විද්‍යාමාන වේ.

කතාව අවසානයේදී ආදරය හා මිතුරු කම අතර ඇති සම්බන්ධය ගැන ඉතා හොදින් කතා වේ. ජිවිතයේ අපිට ජිවන සහකාරියක් හම්බවු විට බොහො විට කරන්නේ ලගම සිටි මිතුරන් අමත කිරිමය. නැතහොත් ඔවුන්ගෙන් දුරස් විමය. නමුත් ආදර ඉදිරියේ කිසිම විට මිතුරු කම අමතක කළ යුතු නොවේ. මන්ද ආදරය නැති වි ගිය විට පවා මිතුරා අප ලග සිටින නිසාය. මේ සම්බන්දය ඉතා හොදින් කතාව තුල පෙන්නුම් කරයි.

  " මම උඹට කොච්චර  ගැහුවත් උඹ මට කියන්නේ නැද්ද? "

 

  නගරයක් නගරයක් ගානේ හොයලා තමයි අපි මුව අල්ලා ගත්තේ

  අනිත් එවුන් අල්ලා ගන්න උදවු වෙයි කියලා 

   එත් කිසිම බයක් නැතිව මු අපිත් එක්ක සෙල්ලම් කරනවා.

   මගේ ආදරය මට ගොඩක් වටිනවා සර්

 

   උඹ දැනටමත් එකීව දැක්කා  කියපන් සත්‍යා කොහෙද කියලා 

   එත් ඉටත් වඩා මගේ මිත්‍රත්වය වටිනවා සර්

කතාවේ ඉතාමත් හොද තෙමාවක් පුරාවට ගලාගෙන යන ලෙස නිර්මාණය කර තිබිම මෙහි විශේෂත්වයයි. එපමනක් නොව සමාජයේ  අදුරු පැතිකඩයන් සියල්ල ගැන ඉතා හොදින් කතා කරන මේ නිර්මාණය කිසිම විටක අලස වන දර්ශන වලින් සමන්විත නොවේ. අප මිතුරන් ලෙස සලකන්නේ පිරිමි පිරිමි, ගැහැණු ගැහැනු  අතර ඇති වන මිතුරු කම්ය. නමුත් මිතුරු කම් ඇති විමට වයසක් වගෙම ස්ත්‍රී පුරුෂ බවක් අදාල නොවේ. එය නිර්මාණය අවසානයේ ඉතා හොදින් අපට පසක් වේ. අප බොහෝ විට තිරණ ගන්නේ කෙනෙක්ගේ බාහිර සාදක පිළිබඳ තීරණය කිරිමෙනි නමුත් ඇත්තටම ඔවුන්ගේ ජිවිත කාතාව පිළිබඳ ඇසුවොත් අපට සමහර විට අපවම අමතක වේවී. ඉංදියාවේ බොහෝ සිනමා සිත්තම් තුල අනාතයින් ගැන කතා කරන අතර ඉංදියාවේ මෙතරම් ආනාතයින් බිහි විම කෙතරම් සෝචනිය තත්වයක් ද? සිතිමට කරුණු බොහොමයක් ඉතිරි කර නිර්මාණයක් ලෙස අවසානයේ අපට මේ නිර්මාණය පෙන්වා දිය හැකිය.

චිත්‍රපටය මුර්ගේෂ් විසින් අධ්‍යක්ෂණය කරන ලද අතර සරත් ශක්ති, අයිරා හා කිශෝර් මෙහි ප්‍රදාන චරිත වලට රංගනයෙන් දායක වේ.විනාඩි 122 පුරාවට ගලා යන මේ නිර්මාණය  2019 වසරේ තිර ගත විය. චිත්‍රපටය සම්පුර්ණ කාලයෙන් විනාඩි 25 ක්ම ගිත සදහා වෙන් කර ඇති අතර එය නිර්මාණය තෙමාව පුළුල් ලෙස විදහා පැමට මහගු සේවයක් ඉටු කර ඇත.